ائلیمین دردی | سهندیه دن ایلهام
اصغر باقری اقدم (دوُمــان)
ائلیمین دردی قوجاتدی،
کدریم گون به گون آرتدی،
کؤتو گونلـر نییه چاتدی،
اولاشان قوردلاری یاتدی.
آلاق اوتلار کیمی دوشمان گؤوه ریب بوستانی آلدی،
خامدی اولاد هله کالدی، گئدیر اَلدَ‌ن‌ساوالان مئیوه‌سی بالدی،
بورجوموز تانرییادیر باخ سونوموز بیر تیکه سالدی.
آنا ایستر بالایا اؤز دیلینی‌اؤیره‌ده قویمور،آیاغا قالخمالیییق آرزوسو قالدی،
دئمه‌یین امری ماحالدی.
قورخو یوخ منده اؤلومدن،
آما واردیر بو بؤلومدن،
گؤوه‌ریر بابکین هرگون تؤکولـن قانی چؤلومدن،
خبریم وار قوپاریرلار گئجه گوندوز بو ائلیمدن،
اَلی باغلی دیلی باغلی آستارا گئتدی اَلیمدن.
اَل اله گلدی بو اؤلکه منیم اولدو، قانمادیم سؤز قالالی گول کیمی سولدو،
آغلاییب گؤزلری دولدو، منی یاتمیش گـؤره‌لی ساچـیـنـی یولدو،
نـیـیـه بـختیم بئله اولدو؟
آراز آشدی،
سوروشون: بس نییه داشدی،
آغلاییر آذرائلی دردی‌دئشیلمیش آناتک اوولادینا،اما اورَکلر هله داشدی،
قـوْرخاغـیـن باخ ایشی یاشدی،
توی چالار دوشمانیمیز قورخاغاکی قورد هارا قاشدی.
اَزمه سن باشینی شاه مار کیمی گؤردون سنی ساشدی،
بیر گون آزاد یاشاماق قیرخ ایله اوستوندوکی سن قول
اولاسان، بابکی آزاد ائـلـه ین تکجه او باشدی.
سارا تک مین گلین اولسون، هره سی بیر اَری دوغسون، وطنین اوردوسو دولسون، وطن اوغروندا بوز آتلا قیر آتین دیرناغی اینجیک، گتیرین نالدا وورولسون، قوی بو عالم سنه ای قانلی دیار باخسا وورولسون، دوشمانی قوو کی یورولسون.
بیل آناندیر سنین آذر، باغلاری جنّته بنزر
سَلوی تک قددی بویو داغلارا چاتمیش،
قیی چکیب داغداکی قارتال کی آتام بَیجان دیر.
یالواریرتانرییا ستارکی‌سلاح‌آلسین اَله، وئره بیزله ال اله، باغیری سَسله گله،
فرهادین‌تیشه‌سی‌لازیمدی‌گلیب‌داغی‌دله، اؤپه بابک‌اَلینی جوت‌گئده‌لر چَنلی‌بئله،
تورک ائـلـی دؤنـسه سئله، هئچ اینانماکی بوگون دوشمانـیـزین بختی گله.
۱۲/۳/۸۶