سورمه لی قیز 

سورمه لی قیز
بیر داغ اولماق ایسته ییرم
قارتال سالا.      یووا منده
بولاق اولماق.    ایسته ییرم
سونا عؤمرون.     سووا منده
مئشه لرده.        گئدن بیر یول
آیاقلانیب.        گئدم ساغ سول
ایسته ییرم.          اولام بیرچؤل
اووچو باخا.              اووا منده
اوردا شعرین         بساطینى
آچیب قوشام.       بایاتینی
قوچ کور اوغلو.       قیرآتینی
مینیب چاپیب.    قووا منده
سینم اوسته.          گؤزه گؤزه
سو زینه ییب.       آخیب سوزه
سورمه لی قیز.         الده کوزه
گونده گله.            سووا منده
بولود گونه.          یول کسنده
قیش آیلاری.       گول کوسنده
یاغیش یاغیب.        یئل اسنده
یارانا یدی.             هاوا منده
چن دوشه ایدی.     باشیم اوسته
سو آخا ایدی.        دؤشوم اوسته
کهلیب ایچیب.      داشیم اوسته
اوخویا ایدی.            دوعا منده
ثریابخشی آیلار مییانالی
Aylar: