قاراباغ – آرایلی تورک قیزی

دونیا اؤزه رینده گؤز قاباغیندا
داغیلدی تالاندی یاندی قاراباغ
غملی سینه سی نه داغلارچکیلدی
شاختالار الینده دوندو قاراباغ

لیل سودا بوغولدو بیر آی پاراسی
سئله دوشدو خان چوبانین ساراسی
سیزیم سیزیم سیزیلدادی یاراسی
دوشمانا تالانمیش جاندی قارا باغ

دردی هئیکل سالیب آتش ایچینده
گؤزوآغلارقالیب هئی یاش ایچینده
ارمنی الینده اوغراش ایچینده
بیر نا حق توکولموش قاندی قارا باغ

بیلمیرم طالئعی اولدو نه ته هر
اوره یین یاندیردی نئچه مین قه هر
اوفوق دولا ییندا سوکولموش شه هر
سحری دوغما میش داندی قارا باغ

عصرین شاختاسیندا یاتا بیله دی
اوزون آرزولا را قاتا بیلمه دی
آرایلی هایینا چاتا بیلمه دی
بو نئجه زماندی اندی قا راباغ

✍️ قاراباغ – آرایلی تورک قیزی

یاسا باتمیش گلینم شئعیرینی بورادان اوخویا بیلرسینیز.