ائو معمارلیغیندا تاساریم سبکلری- مینمالیزم
ائو معمارلیغیندا تاساریم سبکلری- مینمالیزم
یازار: مهندیس پریوش میرزا محمدی
معمارلیق تاساریمیندا (طراحی سینده) باشقا هنر ساحه‌لری کیمی چوخلو سبک لر واردیر. اؤرنک اولاراق: کلاسیک، ویکتورین، روکوکو، نئوآرت، مینیمالیسم، ماکزیمالیسم، گوتیک و بوهئمیین کیمی طرز لردن آد آپارماق اولار. ائو تاساریمینین ایلک اصول لاریندان بیرینجی سی بودورکی اونون تاساریمیندا بیر سبک نظرده آلینا. ائوین تاساریمیندا گرکدیر نئچه طرزی بیربیرینه قاتمایاق.
دکوراسیون و ایچ معماری تاساریمیندا (طراحی‌سینده) مینیمالیسم سبکی سون ایل لرده چوخ سئویلن بیر طرز اولوبدور. میعمارلیقدا معروف سؤزلردن بیری بودورکی “Less is emore ” (یانی آز اؤزو چوخدور) مینمالیست سبکی بو دوشونجه‌یه سؤیکنن بیر سبک دیر.
مینیمالیست بیر ائوین دکوراسیون طراحی‌سی اوچون اؤنجه مینیمالیسم‌ین نه اولدوغونو بیلمک یاخشی‌دیر. مینیمالیست سؤزجویو فرانسا دیلینده اولان مینیموم سؤزجویوندن یارانمیش و تورکجه ده لاپ کیچیک و لاپ آز میقداردا ایشله نیلن بیر وارلیغین آنلامینی داشییر.
موزیک، گؤرسل صنعتلر(تجسمی هونرلر)، و میعمارلیق کیمی چوخ ساحه لرده نسنه سل اولماغی ساوونان (مدافعه ائدن) بو طرزین اورتایا چیخماسی ۱۹۶۰- ایل‌لرینه قاییدیر. ۱۹۸۰ ایل‌لرینده لندن و نیویورک‌دا رواج تاپان بو سبک ده طراح لار چوخلو آغ رنگ‌ده اولان اشیالار و آغ و بوز ماوی (آچیق گؤی) رنگ‌ینده اولان ایشیق‌لارلا، لاپ آز مبلمان و اشیاء ایشلتمک ایله و بؤیوک فضالار یاراتماق ایله مطلق ساده لیگه ال تاپماغا چالیشیردیلار.
” ذن ” فلسفه سی و ژاپونون سنتی طراحی سیندان الهام آلاراق یارانان بو طرز معمارلیق و ایچ معمارلیقدا چوخ آز خط، شکیل و رنگلر ایشله‌درک و لاپ آز وسایل لر ایله ان یالین (لوت)، لاپ ایقتصادی و لاپ عملکردلی بیر تاساریم (طراحی) دیر. مینیمال طراحلیغی‌نین اصلی ایده‌سی حاشیه‌لرین آزاتماسی، یاشاییش فضالارین ساده لشدیرمه سی و تمل کیفیت‌لره یئتیشمک دیر.
آرام و راحتلادیجی بیر فضایا صاحیب اولماق ایسته ینلر اوچون چوخ اویغون اولان بو طرز عینی حالدا چوخ نظم لی و تمیز گؤرونوملودور.
مینیمالیست بیر ائوه صاحیب اولماق اوچون گرکسیز دکوری وسایل‌لردن اوزاق دورماق، مبل، دیوار و کف‌ده گؤز یورمایان دوغال (طبیعی) رنگلر اؤزللیک له آغ رنگ ترجیح ائدیلیر. ساده هندسی اشکالی (مستطیل، مربع، دایره، مثلث…) و افلاطونی احجام (کره، مکعب، هرم، منشور…) قوللانماق، بزمه‌لردن (تزئینات دان) اوزاق دورماق، لاپ ساده ماتئریاللاری ایشلتمک و عناصرین تکراریندان یارانان بو سبک ده دوزن(نظم) و تمل کئیفیت القاء اولونور. مینیمالیست ین کاراکتریستیک رنگی آغ اولسادا رنگ سئچیملری ینده سلیقه یه اویغون اولان عینی حالدا چوخ باسقی لی اولمایان ملایم رنگلر چوخ راحاتجا ایشله نیله بیلر. پنجره و جام‌لار کیمی دوغال ایشیق قایناقلارین چوخ یاخشی قولانماق، ایشیقلاندیرما سیستم ین سئچیمینده ساده طرح لر و شوشه و یا دمیر (مئتال) کیمی لوازم لردن دوزلمیش مدرن گؤروشلو ائلئمانلار اویغون دور.
مینیمالیست بیر ائوین قاریشیق گؤرونمه مه سی اوچون اشیالاری ساخلاماق اوچون گیزلی و هوشمندانه فضالار و کمدلار لازیم دیر.
سلام مهندیس
یاخشیسوز