یاسا باتمیش گلینم

یاسا باتمیش گلینم

حدیث یاراحمدی

یاسا باتمیش ساچی غم، غم قارا سونبول گلینم

یارالی ماهنی‌لاری بیر ساری بولبول گلینم

منی آختارما چیچک‌لرده، کوله‌کلرده دولان

بو سینه‌م تاپداقی کروان یولاقی، یول گلینم

گؤزومون یاشلاری ۴ ایلدی سئل اولموش بیرینه

ساغی نیسگیل‌لی ورم‌لی یارالی سول، گلینم

منده یئل‌یئل کورویور آرزومو، نامرد فلک

دردی چینینده اسن زاغ کیمی زول‌زول گلینم

گلینم چؤل‌لره، چؤل‌لر کدری منده بیتیر

یام یاشیل گول‌لر ایچینده تیکانا کول گلینم

حدیثم سازدا منیم طالعیمی آغلارلار

یاسا باتمیش ساچی غم، غم قارا سونبول گلینم

من کؤچن واختی، بو بختیم ائوینه، چوکدو دومان

نه نوکر اولموشام آه، آه نه ده بیر قول گلینم

یاسا باتمیش گلینم